Breaking

Showing posts with label politics. Show all posts
Showing posts with label politics. Show all posts

Saturday, April 28, 2018

5:23 PM

Waziri Majaliwa Avihasa Vyama vya Siasa

Waziri Majaliwa Avihasa Vyama vya Siasa

Waziri Mkuu Kassim Majaliwa amewataka viongozi wa vyama vya siasa wajitahidi kuwa makini na namna wanavyoendesha vyama vyao kwa sababu wananchi wanaowaongoza ni wa vyama vyote.


Majaliwa ameyasema hayo leo  wakati akizungumza na Kamati ya Uongozi ya Baraza la Vyama vya Siasa katika ukumbi wa mikutano wa Waziri Mkuu ulioko Mlimwa jijini Dodoma.

"Viongozi wa vyama vya siasa wanatakiwa wajitahidi kuwa makini na namna ambavyo wanaendesha siasa katika vyama vyao, wananchi wanaowaongoza ni wa vyama vyote hivyo tupeleke ujumbe ambao utawaongoza kujileta maendeleo,” Majaliwa.

Aidha Kiongozi huyo amewataka pia viongozi wa Baraza la Vyama vya Siasa waendelee kushikamana ili waweze kulifikisha Taifa mahali ambapo Watanzania wanapatarajia ikiwa ni pamoja na kupunguza umaskini.

Waziri Mkuu amesema kuwa mazungumzo yaliyofanyika leo baina ya Serikali na viongozi hao yameonesha nia ya pamoja ya kuendeleza ushirikiano na kwamba wana wajibu wa kuendeleza historia nzuri kwani siasa ni moja ya nyenzo zinazochochea  maendeleo.

Akijibu ombi la viongozi hao kuhusu changamoto ya upatikanaji wa fedha za kuendesha shughuli za baraza hilo ikiwemo mikutano, Waziri Mkuu ameahidi kuwa Serikali  itafanyia kazi maombi hayo ili waweze kutimiza majukumu yao kama ilivyokusudiwa.

Monday, April 23, 2018

11:56 AM

Wabunge watakiwa kuchukua hatua stahiki


Wabunge wa wametakiwa kuchukua hatua stahiki kudhibiti vitendo vya unyanyasaji wa kijinsia vinavyofanywa dhidi ya wanawake na watoto wenye ulemavu katika maeneo mbalimbali nchini Tanzania.

Ushauri huo umetolewa mara baada ya kufanyika utafiti uliofanywa na shirika la 'Action On Disability and Development' kwa kushirikiana na shirikisho la watu wenye ulemavu Tanzania kubaini kuwepo kwa vitendo vya udhalilishaji wanawake na watoto wenye ulemavu.

Akiongea na Wabunge katika semina iliyoandaliwa na Shirika la ADD, Mjini Dodoma, Mkurugenzi wa Shirika hilo Bi. Rose Tesha amesema kuwa baadhi ya ndugu na jamaa wamekuwa wakishiriki vitendo hivyo hususani kwa watoto wenye ulemavu wa kusikia na akili.

Wakitoa maoni yao katika Semina hiyo baadhi ya wabunge wametaka sheria iweze kurekebishwa ili mfuko wa jimbo pia uweze kuwahudumia watu wenye ulemavu huku wengine wakitaka uboreshaji wa miundombinu kwa watu wenye ulemavu.

Friday, April 20, 2018

1:13 PM

Serikali Yamjibu Zitto Kabwe Upotevu wa Trilioni 1.5 Zilizotajwa na CAG



Serikali kupitia Naibu Waziri wa Fedha na Mipango Dkt. Ashantu Kijaju, imetolea ufafanuzi tuhuma za upotevu wa pesa takriban trilioni 1.5 zilizotajwa na Mkaguzi Mkuu wa Hesabu za serikali. (CAG) kwenye ripoti yake.


Akisoma taarifa rasmi Bungeni Dkt, Kijaju amesema kwamba serikali sasa hivi inatumia mfumo mpya wa mahesabu wa kimataifa 'epses acrual', ambao unaweka uwazi mahesabu yote, na umeleta mafanikio makubwa kwa serikali.

Dkt. Kijaju ameendelea kwa kusema kwamba pesa hiyo ilikuwa haijajumuishwa matumizi yake wakati CAG anafanya na kukamilisha mahesabu yake, hivyo hakuna pesa ambayo imepotea bila matumizi yenye taarifa.

“Matokeo ya utekelezaji wa mpango mkakati wa uandaaji wa mfumo wa epses acrual excess accruals umeiwezesha serikali na taasisi zake kutoa taarifa za kina, na zinazoonyesha uwazi na uwajibikaji wa taasisi husika, hususani katika usimamizi wa mali, na madeni ya taasisi, kuongezeka kwa uwazi kumewawezesha watumiaji wa hesabu kupata taarifa zinazowasaidia kufanya maamuzi sahihi, na kwa wakati”, amesikika Dkt. Kijau kwenye taarifa hiyo.

Dkt. Kijaju ameendelea kwa kufafanua kwamba ..”Kutokana na matumizi ya mfumo wa huu viwango vya kimataifa vya uhasibu katika sekta ya umma, napenda kuliarifu Bunge lako tukufu na Watanzania kwa ujumla kwamba hakuna fedha taslim ya shilingi trilioni 1.51 iliyopotea, au kutumika kwa matumizi ambayo hayakuidhinishwa na Bunge, hivyo basi madai ya baadhi ya watu wasioitakia mema taifa letu na serikali yetu ya awamu ya tano, hayana msingi wowote wenye mantiki”.

Taarifa hiyo iliyosomwa na Dkt. Kijaju imesema kwamba taarifa ya CAG imeeleza jumla ya mapato yote ya serikali, kwa mwaka 2016/17, yalikuwa shilingi trilioni 25.3 ambapo fedha hizi zinajumuisha mapato ya kodi, mapato yasiyo ya kodi, mikopo ya ndani na nje, pamoja na misaada na mikopo nafuu kwa mashirika ya maendeleo. Kati ya mapato haya ya 25.3 yalikuwepo pia mapato tarajiwa, kama mapato ya kodi, jumla ya shilingi bilioni 687.3 pamoja na mapato yaliyokusanywa kwa niaba ya serikali ya Mapinduzi Zanzibar ya jumla ya shilingi bilioni 203.92.

“Katika uandishi wa taarifa za ukaguzi CAG alitumia taarifa za hesabu na nyaraka mbali mbali ikiwa ni pamoja na taarifa za utekelezaji wa bajeti ambapo hadi kufikia tarehe 30 Juni, 2017, mapato yalikuwa jumla ya shilingi trilioni 25.3 na matumizi yalikuwa shilingi trilioni 23.79, matumizi haya hayakujumuisha shilingi bilioni 697.85 zilizotumika kulipa dhamana za hati fungani za serikali zilioiva,. Matumizi haya yalikuwa hayajafanyiwa uhamisho wakati ukaguzi unaofanyika, hivyo basi, baada ya kufanya uhamisho jumla ya matumizi yote kwa kutumia ridhaa za matumizi yalikuwa shilingi trilioni 24. 4, kutokana na ufafanuzi huo shilingi trilioni 1.51 zilizodaiwa kutoonekana kwenye matumizi ya serikali yalitokana na mchanganuo ufuatao (angalia katika picha) ”, alisikika Dkt. Kijaju akilielezea Bunge.

Dkt. Kijaju alihitimisha tarifa hiyo akisema kwamba “Napenda kuhitimisha kwamba serikali kupitia wizara ya fedha na mipango imepata mafanikio makubwa sana kwa kutumia mfumo huu wa kimataifa, napenda kulitaarifu Bunge lako na wananchi kuwa serikali ya awamu ya tano ipo makini na haiwezi kuruhusu kwa namna yoyote ile upotevu wa fedha za umma”.

Wednesday, April 18, 2018

4:01 PM

Mh. Zitto Kabwe amjibu Polepole


Humprey Polepole Amshukia Zitto Kabwe Ripoti ya CAG..Adai Hakuna Hela yoyote Iliyopotea, Amtaka Arudi Shule
Baada ya Katibu wa Itikadi na Uenezi CCM, Humphrey Polepole kumtuhumu Mhe. Zitto Kabwe kupotosha taarifa za CAG kuhusu kupotea kwa shilingi trilioni 1.5, kiongozi huyo wa ACT-Wazalendo ameibuka na kujibu mapigo.
Zitto ametumia mtandao wa Twitter kujibu tuhuma hizo za Polepole kwa kumwambia amekuwa Mwenyekiti wa PAC/POAC kwa miaka nane hivyo anafahamu kile anachokisema.
“Serikali ya CCM ilidhani Watanzania ni mandondocha,wanapelekwa pelekwa tu. Nimekuwa Mwenyekiti wa PAC/POAC kwa miaka 8. Ninajua ninachosema.” ameandika Zitto.
“Jumla ya TZS trilioni 1.5 hazina maelezo ya matumizi yake Katika mwaka 2016/17. Sitajibishana na Mwenezi wa CCM, yeye size yake @AdoShaibu,” ameongeza
2:10 PM

Humprey Polepole Amshukia Zitto Kabwe Ripoti ya CAG..Adai Hakuna Hela yoyote Iliyopotea, Amtaka Arudi Shule


Kuna mtu mmoja anaongoza kwa upotoshaji juu ya ripoti ya Mkaguzi Mkuu wa Hesabu za Serikali (CAG). Chama chake kina mbunge mmoja tu wa ACT Wazalendo. Sijui kasoma shule gani huyu. Kaja anasoma juu juu tu eti trillion 1.5! Ana bahati ndugu Magufuli ni mpole ila tushamwambia mwaka 2020 akatafute kazi ya kufanya. Pia arudi shule akasome kwani hakuna hata shilingi moja iliyopotea - Humprey Polepole
9:41 AM

Jecha Salim Jecha Ang'atuka Tume ya Uchaguzi Zanzibar


Mwenyekiti wa Tume ya Uchaguzi Zanzibar (ZEC) Jecha Salim Jecha amemaliza muda wake wa majukumu ya tume hiyo kwa kipindi cha miaka mitano kilichoanzia Aprili 30,2 013 hadi Aprili 29, 2018 ambapo yeye na wajumbe wa tume hiyo wamekabidhi ripoti yao ya kazi.

Akitoa taarifa yake kwa Rais wa Zanzibar Dkt. Ali Mohamed Shein, Jecha amesema kuwa tume inaamini kwamba, mafanikio yaliyopatikana wakati wa utekelezaji wa majukumu yake hasa ya kiuchaguzi yalitokana na ushirikiano wa wadau mbalimbali na wananchi kwa jumla.

"Ndani ya miaka mitano tume imeweza kuendesha jumla ya chaguzi ndogo nne, zikiwemo chaguzi ndogo tatu za Udiwani na chaguzi moja ya uwakilishi pamoja na kusimamia uchaguzi Mkuu wa Oktoba 25,2015 na ule wa marudio yake Machi 20, 2016. Tume imefanya mapitio ya majimbo ya uchaguzi na kubadilisha mipaka ya majimbo ya uchaguzi, majina ya majimbo na kuongeza idadi ya majimbo kutoka 50 hadi 54", ameeleza Jecha.

Pamoja na hayo, Jecha ameendelea kwa kusema "Tume imeweza kufanya uandikishaji wa wapiga kura kwa awamu mbili na kuliendeleza daftari la kudumu la wapiga kura sambamba na kuendesha programu mbalimbali za elimu ya wapiga kura kupitia vyombo vya habari, mikutano ya wadau, uchapishaji wa vipeperushi, majarida na makala mbalimbali".

Aidha, Mwenyekiti huyo amemueleza Dkt. Shein kuwa Tume ya Uchaguzi ya Zanzibar imechaguliwa kuwa kiongozi wa Uchaguzi Mkuu wa nchini Congo utakaofanyika mwezi Disemba mwaka huu.

Kwa upande wake, Rais wa Zanzibar Dkt. Ali Mohamed Shein ameipongeza Tume hiyo kwa kutekeleza vyema majukumu yake ndani ya miaka mitano kwa kuendesha chaguzi zote .

"Tume hii inastahiki pongezi kwa kuifanikisha vyema kazi waliyopewa ikiwa ni pamoja na kuendesha chaguzi zote ukiwemo uchaguzi Mkuu, chaguzi ndogo na ule uchaguzi wa marudio ambazo zote hizo zilifanywa kwa ufanisi mkubwa", amesema Dkt. Shein.

Wajumbe wa tume hiyo ambao wamemaliza muda wao ni Mwenyekiti mwenyewe Jecha Salim Jecha, Jaji Abdul-hakim Ameir Issa, Balozi Omar Ramadhan Mapuri, Nassor Khamis Mohammed, Ayoub Bakari Hamad, Haji Ramadhan Haji na Salmin Senga Salmin ambao wote hao waliapishwa rasmi  Mei,4, 2013. 
9:39 AM

Dada Aliyedai nini Mtoto wa Mzee Edward Lowassa na Kuwa Ametelekezwa Akamatwa na Polisi



Kamanda wa Polisi wa Kanda Maalum ya Dar es Salaam, Lazaro Mambosasa amesema wanamshikilia Fatuma Chikawe kwa tuhuma za kudanganya kuwa ni mtoto wa Waziri Mkuu mstaafu, Edward Lowassa.

 Hii ni wiki moja baada ya Fatuma kujitokeza kwenye vyombo vya habari na kudai ametelekezwa na Lowassa kwenye zoezi la kusikiliza malalamiko ya wanawake waliotelekezewa watoto linaloendeshwa chini ya Mkuu wa Mkoa wa Dar es Salaam Paul Makonda, ambaye alisisitiza wahusika watoe taarifa za ukweli. 

Monday, April 16, 2018

Friday, April 13, 2018

8:59 AM

VIDEO## MSIGWA: Prof Kitila Kakazana Kujibu Maaskofu, Kasahau Kazi Yake


MSIGWA BUNGENI: "Prof Kitila Mkumbo Kakazana Kujibu Maaskofu, Kasahau Kazi Yake" Mbunge wa Iringa Mjini (Chadema), Mchungaji Peter Msigwa, amesema tukitaka kujenga taifa lenye nguvu ni lazima kuwepo na hoja zinazokinzana. Aidha, Mch Msigwa, amedai kuwa , Katibu Mkuu wa Wizara ya Maji na umwagiliaji, Profesa Kitila Mkumbo, ni kama amesahau kazi yake na badala yake kutumia muda mwingi kuwajibu maaskofu. lnstal GlobalPublishersApp Android: http://bit.ly/2AAQe1d iOS: http://apple.co/2Assf4M Subscribe http://www.youtube.com/c/uwazi FACEBOOK: https://www.facebook.com/Globalpublis... TWITTER: https://twitter.com/GlobalHabari Visit https://globalpublishers.co.tz/, Subscribe http://www.youtube.com/c/uwazi1 kupata video nyingine za aina hii, subscribe kwenye chanell yetu kwa kubofya… http://www.youtube.com/c/uwazi1 http://www.youtube.com/c/uwazi1 http://www.youtube.com/c/uwazi1 WEBSITE: https://globalpublishers.co.tz/ FACEBOOK: https://www.facebook.com/Globalpublis... TWITTER: https://twitter.com/GlobalHabari INSTAGRAM: https://www.instagram.com/globalpubli..
  

Wednesday, April 11, 2018

5:07 PM

Msigwa Amvaa Jerry Murro Sakata la Kutelekeza Mtoto "Ni Tuhuma Alizotengeneeza Jerry Murro"

 .
Mbunge wa Iringa mjini kupitia tiketi ya Chadema, Mch. Peter Msigwa amezidi kukana madai ya kumtelekeza mtoto na kueleza kuwa taarifa hizo zinaenezwa na Jerry Muro.

Akizungumza na EATV, Mch. Msigwa amesema kuwa madai hayo hayana ukweli wowote na kueleza iwapo lisemwalo lipo basi muhusika amtafute katika namba aliyoitoa na ikishindikana amfuate Bungeni.

“Mimi nitamtambuaje huyo mtoto, hiyo picha wameweka tu, ilipoanzia ni kwa Jerry Muro ndio ameanza kusambaza hizo habari kwamba mimi ni mwanamke aliyeenda kwa Makonda amejieleza ndio nimemuacha,” amesema Mch. Msigwa.

“Ninachokijibu pale, nakijibu kitu ambacho ameanzisha Jerry Muro, kwamba kuna mtu nimemtelekeza amekuwa akinitafauta na nimekuwa nikimzuia, nimejibu kwamba kama huyo mtu huyo yupo nimekuwa nikitoa namba zangu za simu na kama sipatikani aje hapa Bungeni,” amesisitiza.

Kuanzia mwanzo mwa wiki hii mamia ya wanawake walijitokeza ofisi za Mkuu wa Mkoa wa Dar es Salaam, Paul Makonda ili kupata msaada wa kisheria baada ya kutelekezwa na wazazi wenzio. Pia RC Makonda ametoa nafasi ya kuwasikiliza wanaume waliotelekezwa na wake zao ambapo watapatiwa msaada wa kisheria. 

Saturday, April 7, 2018

12:33 PM

Rais Magufuli Atoboa Siri Alipokutana na Mkewe "Nyumba za Kota za Polisi Zimenipa Mke Janeth’'

Rais Magufuli Atoboa Siri Alipokutana na Mkewe "Nyumba za Kota za Polisi Zimenipa Mke Janeth̢۪'

“Nyumba za polisi ndizo zimenipa mke kwa hiyo nyumba za polisi ninazifahamu, huyu mke wangu niliye naye alikuwa mtoto wa polisi, marehemu baba yake hakuwa na cheo kikubwa alifariki akiwa sajenti,” ni maneno ya Rais Magufuli akizindua nyumba za askari Arusha nakukiri kuwa Janeth alimpata kwenye nyumba za kota.

Ameyazungumza hayo leo April 7, 2018 wakati wa uzinduzi wa nyumba 31 za polisi na kusema baba mkwe wake alikuwa sajenti wa polisi.

“Nyumba za polisi ndizo zimenipa mke kwa hiyo nyumba za polisi ninazifahamu, huyu mke wangu niliye naye alikuwa mtoto wa polisi, marehemu baba yake hakuwa na cheo kikubwa alifariki akiwa sajenti,” -Rais Magufuli

 “Ingekuwa nazindua Moshi, angenionyesha nyumba walizokaa lakini za Oysterbay alizoishi alishanionyesha na za Ukonga na za sehemu nyingine. Kwa hiyo maisha ya polisi ninayafahamu.” -Rais Magufuli 

Friday, April 6, 2018

9:23 PM

Rais akataa kujisalimisha kwa Polisi



Aliyekuwa Rais wa Brazil Luis Inácio Lula da Silva amegoma kujisalimisha kwa polisi kama alivyotakiwa na mahakama ya nchi hiyo hii leo, ili aanze kutumikia hukumu yake.

Rais huyo ambaye alishtakiwa kwa makosa ya rushwa na kuhukumiwa kwenda jela miaka 12, alikuwa nje kwa dhamana, na mahakama ilimtaka aende mwenyewe kwani sio busara kwenda kumkamata Rais Mstaafu.

Rais Da Silva amesema mahakama hiyo ina lengo la kumuharibia mipango yake ya kugombea urais hapo Oktoba mwaka huu, huku akiwa na matumaini makubwa ya kushinda uchaguzi kutokana na kutajwa kuwa kipenzi cha watu.

Mamia ya watu wamezunguka eneo la umoja wa wafanyakazi, ambalo lipo karibu na eneo analoishi kiongozi huyo.

8:21 PM

Rais Magufuli awataja wasioitakia mema Tanzania


Rais Dkt. John Pombe Magufuli, ameweka wazi kuwa hatua inazopiga serikali kudhibiti uchumi, waliokuwa na tabia za kutuibia rasilimali hawawezi kufurahia, hivyo watatumia njia yoyote kukwamisha ikiwemo kuchonganisha.

 Rais Magufuli ametoa kauli hiyo leo alipokuwa akihutubia umma wakati wa uzinduzi wa ukuta uliojengwa kuzunguka eneo lenye madini ya Tanzanite, ambayo yanapatikana Tanzania pekee .

Rais Magufuli amesema watu hao wakiwemo wale waliokuwa wanaiba wanyama na kuwasafirisha kwa ndege ili miaka ya baadaye wasiwe na sababu ya kuja Tanzania kutalii, watatumia mbinu yoyote kuhakikisha Tanzania haifanikiwi kujikwamua kiuchumi, ili waje watawale tena.

“Awamu ya tano inapambana vita ya uchumi, vita ya uchumi ni ngumu, inapambana na mabeberu ya kila aina, tunaowazuia wizi hawawezi wakafurahi, tunapowazuia wizi wa dhahabu hawawezi wakafurahi, waliokuwa wanasafirisha wanyama wetu kwenye ndege wakiwa hai ili miaka ijayo wasije hapa kutalii, hawawezi wakafurahi. Na ni watu wenye uwezo mkubwa, mengine ni mataifa makubwa kutoka nje, wataleta vitimbwi vya kila aina, watawachonganisha kwa kila aina, kwa sababu ukitaka watu uwatawale ni kuwachonganisha”, amesema Rais Magufuli.

Rais Magufuli ameendelea kwa kusema ...”wapo waliokuwa wanataka nchi yetu isiendelee, unanunua ndege, wanatumiwa watu wanashangilia kukamatwa ndege yao, ni ushetani kweli kweli, ndege ni yenu, mtapanda wote lakini mtu anasimama pale anasema afadhali imeshikwa, ibaki huko huko, mnajiulizaje mtu wa aina hiyo, mali ni yenu, imeshikwa ni mali yenu lakini wanashangilia.

Sambamba na hilo Rais Magufuli amewataka watanzania kuwa wazalendo na kuzingatia uchumi wa nchi, na sio kushangilia pale panapotokea tatizo.
12:36 PM

Rais wa zamani wa Korea Kusini Park Geun-hye ahukumiwa miaka 24 jela na faini ya bil 38


Mahakama ya Korea Kusini imempata na hatia Rais wa zamani wa nchi hiyo, Park Geun-hye.
Geun amekutwa na makosa 18 ikiwemo kutumia vibaya madaraka yake na kupokea rushwa hivyo mahakama hiyo imemuhukumu kifungo cha miaka 24 gerezani.
Akisoma hukumu hiyo Jaji wa Mahakama hiyo alisema, “The President abused the power which was given to her by the citizens.” Hakimu huyo aliongeza kuwa hukumu kali ilihitajika ili kutuma ujumbe wa wazi kwa viongozi wa baadaye wa nchi hiyo.


          Wafuasi wa Park Geun-hye wakiwa nje ya mahakama
Hata hivyo waendesha mashitaka walimwomba Hakimu kumhukumu Geun kifungo cha miaka 30 jela. Pia Rais huyo wa zamani wa Korea Kusini atatakiwa kulipa faini ya dola milioni 17 mbazo ni zaidi ya shilingi bilioni 38 za Kitanzania.
Kesi ya Geun a=ilifikishwa mahakamani kwa mara ya kwanaza January 3 mwaka jana japo kiongozi huyo hakuweza kuhudhuria mahakamani hapo.
12:12 PM

Mbunge Aitaka Serikali Kufuta Mfumo wa Vyama Vingi

Mbunge Aitaka Serikali Kufuta Mfumo wa Vyama Vingi

Mbunge wa Viti Maalum Chadema, Cecilia Pareso amesema kama serikali ina lengo la kuwabana na kuwanyima haki wapinzani, basi ni bora mfumo wa vyama vingi ukafutwa ili ifahamike kwamba nchi ni ya chama kimoja.



Pareso ameyasema hayo jana Aprili 5, Bungeni Mjini Dodoma wakati akichangia katika Mjadala wa Bajeti ya Wizara ya Ofisi ya Waziri Mkuu mwaka 2018/19 huku akidai kwamba vyama vya upinzani vimekuwa vikionewa ikiwemo viongozi wake kukamatwa mara kwa mara na kufunguliwa mashtaka huku wengine wakifungwa jela. Amesema vyama hivyo vimekuwa ni adui mwingine kwa kuwa kwa sasa vinapigwa vita na Serikali iliyopo madarakani, kuzuiwa kufanya shughuli za siasa majukwaani.



Pia alidai chaguzi ndogo zilizofanyika hivi karibuni, zilikuwa ni kati ya Chadema na Jeshi la Polisi na kudai kwamba wabunge na madiwani walinunuliwa, wakahama vyama vyao, hivyo kukalazimika kufanyika chaguzi nyingine ndogo alizodai zimegharimu zaidi ya Sh bilioni 6.



“Kama mnakataza vyama vya siasa visifanye mikutano ya hadhara, hamuwezi kuja bungeni na kutueleza vyama hivi vimeendelea kufanya vizuri miaka 26 iliyopita. Enzui za Mwalimu Nyerere maadui wa nchi hii walikuwa watatu ambao ni umaskini, ujinga na maradhi, lakini kwa yanayoendelea, leo adui mwingine ni vyama vya siasa,” alisema Pareso.



Hata hivyo, madai ya Pareso yalipingwa na Waziri wa Mambo ya Ndani ya Nchi, Dkt. Mwigulu Nchemba.



“Nataka kuwashauri wabunge, tunapoongelea taasisi ambazo zipo kikatiba, zinafanya kazi kwa ajili ya wananchi, tuheshimu kazi zinazofanywa. Uhalifu wowote unaofanyika ndani ya nchi, iwe wakati wa uchaguzi au wakati si wa uchaguzi, unahitaji kuwahakikishia raia usalama wao.



“Kuna uchaguzi mmoja chama chako (Chadema) hakikushiriki, hakukuwapo na matukio ya yoyote. Sisi kama Jeshi la Polisi tupo kwa ajili ya kuwahakikishia wananchi usalama, wala hatuwezi kuacha wananchi wakakatana mapanga na kuuwana,” alisema Mwigulu. 
12:00 PM

Mbunge Mtolea afunguka haya



Mbunge wa jimbo la Temeke (CUF), Abdallah Mtolea amedai kuwa kama mtu anataka kuviua vyama vingi vya siasa ni kutekeleza yale yote wananchi wanayoyahitaji ikiwa ni pamoja kutoa zile huduma stahiki.

Mh. Mtolea ameweka wazi hayo wakati akizungumza na www.eatv.tvambapo amesema iwapo wananchi watapatiwa yale ya msingi vyama vinavyoitwa vya upinzani vinaweza kukosa hoja ya kukosoa lakini siyo kuviua kabisa kwani hata huko Marekani ambapo wameshapigana kwa kiasi kikubwa na maadui watatu bado kuna vyama vingi kwa ajili ya kurekebishana.

Aidha Mbunge huyo ambaye yupo chini ya Mwamvuli wa UKAWA amesema kwamba licha ya Tanzania kwa sasa kutokuwa na uwanja mzuri wa kufanyia siasa lakini anaamini  kwa watu wanaoamini siasa za upinzani hata wakipewa nusu saa ya kufanya kazi hiyo itawatosha kabisa kwani ambacho wanachokizungumza kipo ndani ya jamii.

Ameongeza kwamba kuwa hatamani kusikia hata siku moja kwamba vyama vya upinzani  nchini vitakufa kwani watu kama yeye bado  wapo wanaoamini ndani ya upinzani .

"Sitamani kusikia kwamba vyama vya upinzani vinakufa. Bado tupo sisi tunaoamini ndani ya upinzani na nina uhakika hata tukiachiwa nusu saa ya kuzungumza tutafanya tuu kwani yale tunayozungumza hayatoki hewani. Hata tukifunguliwa 2020 tukaambiwa fanyeni siasa itatosha maana siasa ni maisha ya kila siku ya mwananchi. Ukitaka kutuua tekeleza yale wanayoyataka kwani sisi tukiongea tunaonyesha yale makosa"- Mtolea