Breaking

Showing posts with label . NEWS. Show all posts
Showing posts with label . NEWS. Show all posts

Sunday, June 3, 2018

9:29 AM

Watu wa Dodoma na mikoa jirani msikose kumsiliza kipindi #USHIKWAPO SHIKAMANA kupitia radio Maisha

watu  wa  Dodoma na  mikoa  ya  jirani  msikose  kusikiliza kipindi cha   #USHIKWAPO SHIKAMANA Kipindi ambacho kinawalenga hasa vijana changamoto,fulsa,maendeleo,na mambo mengine wanayo kumbana nayo katika kuzifikia ndoto zao kinachoongozwa na mtangazaji mwenye kipaji Jeniberth Alberth 

  #USHIKWAPO SHIKAMANA  kipo  kwanzia  jumatatu  mpaka  Alhamisi  Muda  ni  saa  kumi jioni  mpaka saa  kumi mbili  jioni  
   #USHIKWAPO SHIKAMANA ni kipindi bora kinachoongozwa na Jeniberth Alberth mtangaji  mwenye  uwezo  mkubwa wa  kutanganza kupitia  radio  Maisha  Dodoma ...


Saturday, June 2, 2018

11:14 PM

Tanzia: Mapacha waliokuwa wameungana wafariki dunia



TANZIA: Mapacha wawili walioungana, Maria na Consolata wafariki dunia usiku huu katika Hospitali ya Rufaa ya Mkoa wa Iringa walikokuwa wakipatiwa matibabu

> Tangu mwishoni mwa mwaka jana, mapacha hao walifanyiwa uchunguzi mara kadhaa baada ya kupata matatizo ya moyo 

> Katika jitihada za kutafuta suluhu ya ugonjwa wao, walifika kupatiwa matibabu ya moyo katika Taasisi ya Moyo ya Jakaya Kikwete (JKCI) jijini Dar es Salaam


> Katika safari ya elimu, Maria na Consolata walionesha uwezo mkubwa tangu walipohitimu na kufaulu Darasa la Saba mwaka 2010 katika Shule ya Msingi ya Ikonda wilayani Makete

> Baadaye walijiunga na Kidato cha Nne katika shule ya Sekondari ya Udzungwa iliyopo Wilayani Kilolo


> Walisoma pia kidato cha 5 na 6 katika shule hiyo na baadaye walijiunga na Elimu ya Juu katika Chuo Kikuu cha Ruaha(RUCU) baada ya kupata daraja la 2 katika mtihani wa Kidato cha 6

> Maria na Consolata walizaliwa katika Hospitali ya Misheni ya Ikonda wilayani Makete mkoani Njombe mwaka 1996.


======

Very sad News. Walale mahala pema peponi.


NB: Nimetafakari kisha nikasifu utukufu wa Mungu. Sipati picha aliyefariki wa mwisho alikuwa katika hali gani.

Thursday, May 3, 2018

7:28 AM

Aliyewatumbua Wenye Elimu ya Darasa la saba Naye Atumbuliwa

Aliyewatumbua Wenye Elimu ya Darasa la saba Naye Atumbuliwa

Mkurugenzi mtendaji  wa halmashauri ya Bumbuli wilayani Lushoto mkoani Tanga Peter Nyalali  amemsimamisha kazi kaimu afisa utumishi wa halmashauri hiyo Protas Dibogo kwa kosa la kukaidi kuwarudisha kazini watendaji wa vijiji 41 baada ya serikali kuagiza warejeshwe.


Nyalali ametoa kauli hiyo wakati wa kikao chake na watumishi wa halmashauri hiyo ambapo, pamoja na mambo mengine amesisitiza watendaji hao kwenda kufanya kazi kwa bidii kwenye maeneo yao mara tu watakaporejea kazini.

Hivi karibuni serikali iliagiza kurudishwa kazini kwa watumishi wote walioajiriwa 01/05/2004, ambapo  Mkurugenzi Mtendaji wa halmashauri ya Bumbuli Peter Nyalali  alimwagiza kaimu afisa utumishi wa halmashauri hiyo awarudishe kazini watendaji wa vijiji 41.

Pamoja na kutolewa agizo hilo Kaimu Afisa Utumishi Protas Dibogo hakutekeleza agizo hilo jambo lililosababisha  Mkurugenzi Nyalali kumsimamisha kazi.

"Masharti yanaonyesha kwamba nyie mmeanza tarehe 1 mwezi 5. Yeye anapotosha hapa anasema kwamba mmeanza mwezi wa 6. Ninamsimamisha kazi na nafasi yake atakaa Bi Asha Majid" Nyalali.

Tarehe 01/05/2004 serikali iliwaajiri watumishi waliokuwa wakijitolea katika maeneo mbalimbali nchini,ambapo  tarehe 20/05/2004 serikali ilitoa kibali cha kuajiri watumishi wapya wenye elimu ya darasa la saba huku ikiwataka kujiendeleza wawapo kazini 
7:26 AM

Serikali Gabon Yajiuzulu kwa Amri ya Mahakama

Serikali Gabon Yajiuzulu kwa Amri ya Mahakama
Serikali ya Gabon imejiuzulu siku moja baada ya Mahakama Kuu ya Katiba kuamuru Bunge livunjwe na kuagiza uongozi wa nchi ujiuzulu kutokana na kuchelewa kuitisha uchaguzi mkuu.

Taarifa ya Serikali inasema Waziri Mkuu Emmanuel Issoze Ngondet "aliwasilisha barua ya kujiuzulu kutoka nafasi yake serikalini baada ya uamuzi wa Mahakama ya Katiba kuamuru shughuli za Bunge zisimame hatua iliyolazimisha Serikali kujiuzulu."

Kwa mujibu wa Mahakama Serikali ilipaswa kuandaa uchaguzi lakini uliahirishwa mara mbili kufikia Aprili 30.

Mahakama imesema shughuli za Bunge lililovunjwa sasa zitahamishiwa kwenye Baraza la Seneti hadi uchaguzi mpya ufanyike. Tarehe ya uchaguzi haijatangazwa.

Uchaguzi mkuu ulifanyika mwaka 2016 ambao Rais Ali Bongo alitangazwa kuwa mshindi matokeo yaliyopingwa na upinzani.

Ghasia zilizuka siku chache baada ya uchaguzi na wapinzani wanasema watu zaidi ya 50 waliuawa katika mapigano. Taarifa rasmi ya vifo ni watu watatu.

Bongo alitwaa mamlaka kutoka kwa baba yake Omar Bongo, ambaye alitawala kwa miaka 41 hadi alipofariki dunia mwaka 2009.

Tuesday, May 1, 2018

2:42 PM

Maelfu Waandamana rais wa Malawi Ajiuzulu



Maelfu ya raia wa Malawi mwishoni mwa wiki wameandamana kuipinga serikali katika maandamano ya kwanza tangu mwaka 2011.


Maandamo hayo yaliyoandaliwa na mashirika ya kiraia yamefanyika katika miji sita nchini humo kupinga vitendo vya ufisadi na utawala mbovu chini ya Rais Peter Mutharika, ambaye ameiongoza nchi hiyo tangu 2014.

Katika maandamano ya July 2011 dhidi ya serikali, polisi walifyatua risasi na kuwaua raia 20, mauaji yaliyoishtua nchi hiyo na kusababisha nchi wafadhili kusitisha misaada yao.

Rais wa zamani wa Malawi, Joyce Banda, alirejea nchini humo, Jumamosi iliyopita baada ya kuishi uhamishoni kwa miaka minne, licha kitisho cha kukamatwa kwa tuhuma za Rushwa. 
2:40 PM

Familia Yatangaza Ratiba ya Mazishi ya Mdogo wa John Heche


Familia Yatangaza Ratiba ya Mazishi ya Mdogo wa John Heche
Serikali mkoani Mara pamoja na familia ya Chacha Suguta aliyefariki dunia akiwa mikononi mwa polisi juzi, wanatarajia kukutana na waandishi wa habari leo mchana kwa ajili ya kutangaza taratibu na ratiba ya mazishi ya  kijana huyo.

Kikao cha familia pamoja na uongozi wa Serikali kinafanyika baada ya pande hizo mbili kukutana jana na kufikia makubaliano yatakayotangazwa rasmi kwa umma baadaye mchana.

Mbunge wa Tarime, John Heche amesema familia hiyo pia inatarajia kutangaza msimamo wake kuhusu hatua za kisheria zilizochukuliwa dhidi ya askari William Marwa (50) anayedaiwa kumuua Chacha.

Soma: Familia ya Heche yasubiri kikao na polisi kumzika ndugu aliyeuawa

Askari huyo hata hivyo alifikishwa katika mahakama ya wilaya ya Tarime jana na kusomewa shtaka la mauaji.

Tukio hilo lilitokea Aprili 27 mwaka huu baada ya Suguta kukamatwa na polisi usiku akiwa katika baa ya Kasablanca na kupelekwa mahabusu.

Hata hivyo asubuhi ndugu zake walipokwenda kumuangalia, waliambiwa ameshafariki na mwili upo mochwari.  Kesi hiyo itatajwa tena Mei 15 mwaka huu.

Sunday, April 29, 2018

12:41 PM

JPM amlilia Kandoro

  
MKUU wa Mkoa mstaafu wa Mbeya, Abbas Kandoro (68), anatarajiwa kuzikwa kijijini kwake Ihemi, Kata ya Mgamo mkoani Iringa, huku Rais Magufuli akimlilia.

Kandoro alifariki dunia juzi katika Hospitali ya Taifa Muhimbili (MNH), alipokuwa amelazwa kwa ajili ya kupatiwa matibabu ya nyonga.

Jana mamia ya watu walijitokeza kumuaga Kandoro katika Msikiti wa Manyema, Kariakoo jijini Dar es Salaam na kisha mwili kupelekwa nyumbani kwake Mbweni kwa ajili ya kisomo na baadaye ilianza safari kuelekea mkoani Iringa kwa ajili ya maziko.

Mwili wa marehemu ulifikishwa msikitini hapo majira ya saa 7:30 mchana jana ukitokea Hospitali ya Muhimbili, swala ya kumswalia maiti iliongozwa na Shekhe, Hamad Jongo, ambaye alimwakilisha Shekhe Mkuu.

Shekhe Jongo alisema katika kipindi kifupi alichojuana naye wakati wa uhai wake, marehemu alikuwa mchapakazi, aliyeheshimu na kuendeleza dini ya Kiislamu.

“Wakati akiwa Mkuu wa Mkoa wa Dar es Salaam alikuwa mara kwa mara akija kuswali msikitini hapo huku akiweka muda mwingi kuwasikiliza na kuwaendeleza wananchi wote bila kujali kabila wala dini, wote aliwaheshimu,” alisema.

Mtoto wa marehemu, Hussein Kandoro, alisema baba yao kwa siku mbili alilazwa Muhimbili akiwa anatokea hospitali ya Mkoa wa Dodoma, alipokuwa amelazwa kwa siku tatu.

Alisema alifanyiwa upasuaji mara mbili, mara ya kwanza akiwa Dodoma na kubainika alikuwa na tatizo kwenye nyonga.

“Kulikuwa na kijiwe alifanyiwa upasuaji, lakini ilikuja kubainika tena alikuwa akisumbuliwa na tatizo jingine na walipomfanyia upasuaji walitoa maji lita mbili,” alisema.

Alisema familia iliamua akatibiwe katika hospitali ya Muhimbili ili kuendelea na matitabu na madaktari walieleza kuwa nyonga ilikuwa imevimba na kusababisha damu nyingi kutoka na ndipo siku ya pili alipofariki.

Naye Mbunge wa Bunge na Afrika Mashariki ambaye aliwahi kuwa Meya wa Jiji la Dar es Salaam, Adam Kimbisa, alisema marehemu Kandoro  alikuwa mbunifu katika kutatua kero za jiji la Dar es Salaam na kuwasaidia wafanyakazi.

Kimbisa alisema alifanya naye kazi kwa ushirikiano na alikuwa akifuatilia na kutekeleza kila ahadi yake aliyokuwa akiitoa jambo ambalo alisaidia kuendeleza jiji.

Wakati huo huo, Rais John Magufuli ametuma salamu za pole  kwa wanafamilia, ndugu, jamaa na marafiki wote  walioguswa na msiba huo  pamoja na wananchi wa mikoa ya Tabora, Arusha, Dar es Salaam, Mwanza na Mbeya ambako aliwahi kuwa Mkuu wa Mkoa.

“Tumempoteza mtu muhimu ambaye mchango wake  katika utumishi kwa umma  katika nyadhifa  mbalimbali zikiwemo Mkuu wa Mkoa, Mkuu wa Wilaya na Mkurugenzi wa Halmashauri hautasahulika,” alisema.

Magufuli alisema Kandoro alikuwa kiongozi shupavu aliyejiamini na kutekeleza majukumu yake kwa kuzingatia sheria na taratibu, aliwapenda watu aliowaongoza na alionyesha uzalendo wa kweli.

“Nimesikitishwa sana na kifo chake, nawaomba wafiwa  wote wawe na moyo wa subira, uvumilivu na ustahilivu katika kipindi hiki  cha majozi  na pia namuombea marehemu Abbas Kandoro apumzike mahali pema peponi amina.”

Pia Magufuli ametuma salamu za rambirambi kwa Mkuu wa mkoa wa Iringa, Amina Masenza ili azifikishe kwa familia ya marehemu, ndugu, jamaa na marafiki wote walioguswa na msiba huo. Marehemu ameacha mjane, watoto watano na wajukuu wanane.

Kandoro alizaliwa kijiji cha Ihemi kata ya Mgamo Wilaya ya Iringa vijijini mkoani Iringa mnamo Septemba 9, 1950.

Saturday, April 28, 2018

6:08 PM

Rais Kim Jong un akubali kuangamiza silaha za kinyuklia Korea


Vyombo vya habari vya Korea kazkazini vimekuwa vikisifia mkutano wa jana uliokuwa wa kihistoria kwa namna nyingi -ambapo miongoni mwa matukio mengineyo kiongozi wa nchi hiyo Kim Jong Un walikubaliana kufanya kazi pamoja na rais wa Korea kusini Moon Jae-in, katika kile walichosema ni kuhakikisha hamna silaha za kinunyuklia katika rasi nzima ya Korea.

Runinga ya serikali imemlimbikizia sifa na kumpa hongera Kim Jong-un kwa kufanikisha hayo wakisema ni kutokana na upendo wake kwa raia wake na kutaka pia nchi hiyo iweze kujitegemea .

Msimamo huo ni tofauti na jinsi vyombo vya habari vya Korea kusini walivyouchambua mkutano huo.

Wadadisi wa maswala ya kisiasa wanasema si rahisi kutabiri azma ya baadaye ya Kim Jong Un hasa swala la iwapo kweli atatupilia mbali miradi yake ya kinyuklia, wakihoji kuwa hakutoa hakikisho lolote linaloweza kuaminika.

Rais wa Marekani Donald Trump amesema ataendelea kuishinikiza Korea kaskazini kuachana na miradi yake ya kinyuklia licha ya mafanikio makubwa ya mkutano wa jana baina ya viongozi wa Korea ya Kusini na Kim Jong Un wa Korea kaskazini.

Trump pia amesisitiza azma yake ya kukutana na kiongozi huyo wa Korea kaskazini kwa matumaini kwamba ataweza kumshawishi asiendelee kujilimbikizia silaha hizo hatari.

Katika mkutano huo wa jana uliokuwa wa kihistoria kwa namna nyingi Kim Jong un alikubaliana kufanya kazi pamoja na rais wa Korea kusini Moon Jae-in, katika kuhakikisha hamna silaha kinyuklia katika rasi nzima ya Korea.

Hata hivyo wadadisi wa maswala ya kisiasa wanasema si rahisi kutabiri azma ya baadaye ya Kim Jong Un hasa swala la iwapo kweli atatupilia mbali miradi yake ya kinyuklia.

Korea Kazkazini imewekewa vikwazo vya kiuchumi chungu nzima kutokana na kukataa kwake kusitisha miradi hiyo ya kinyuklia ambayo imekuwa ikiwatia wasiwasi jirani zake , Korea Kusini, Japan na washirika wao wa karibu Marekani - wanaosema inawahatarishia usalama wao.
5:35 PM

January Makamba aandika haya kuhusu kifo cha Mdogo wake Heche



Waziri wa Nchi Ofisi ya Makamu wa Rais Muungano na Mazingira, January Makamba ameandika maneno 23 ya kumfariji Mbunge wa Tarime Vijijini, John Heche kufuatia kifo cha Mdogo wake Chacha Heche Suguta ambaye inasemekana ameuawa kwa kuchomwa kisu na askari wa jeshi la Polisi

Kupitia ukurasa wake wa Twitter Makamba ameandika “John Heche Pole sana kwa msiba wa mdogo wako. Mpe pole zangu Mama na wanafamilia wote. Mungu atampa pumziko la milele na mwanga wake utamuangazia.”
5:33 PM

Abbas Kandoro kuzikwa kesho Iringa


MWILI wa aliyewahi kuwa Mkuu wa Mkoa wa Dar es Salaam, Abbas Kandoro umeagwa leo kwenye Msikiti wa Manyema uliopo Kariakoo baada ya kuswaliwa kisha kupelekwa nyumbani kwake Mbweni Luis utakapoagwa tena na baadaye kusafirishwa kwenda Kijijini Ihemi mkoani Iringa kwa mazishi yatakayofanyika kesho Jumapili.

Kandoro alieaga dunia usiku wa kuamkia leo katika Hospitali ya Taifa Muhimbili alikokuwa akipatiwa matibabu. kutokana na maradhi yaliyokuwa yakimsumbua

Tuesday, April 24, 2018

3:40 PM

Fatma Karume asema hana mpango wa kuingia kwenye siasa


Mwanasheria maarufu nchini ambaye kwa sasa ndiye rais wa Tanganyika Law Society (TLS), Bi. Fatma Karume, amesema kwamba hana mpango wa kuingia kwenye siasa, licha ya kuonekana akikosoa sana wanasiasa na baadhi ya vitu vinavyofanywa na serikali.

Akizungumza kwenye kipindi cha East Africa Breakfast cha East Africa Radio, Fatma Karume amesema hataki kuingia kwenye siasa kwa sababu anapenda kuwa huru, licha ya kwamba hatoacha kuendelea kukosoa serikali na wanasiasa pale wanapokosea.

“I like my freedom, napenda kufanya vile ninavyoona mimi, kama serikali inafanya vitu kinyume na sheria nitasema kwamba hivi sio vizuri, si vizuri kuvunjia watu majumba yao wakati kuna court order, nitasema sitaogopa, ila sitaki kugombea, sitaki siasa, I like to be left alone”, amesema Fatma Karume.

Fatma Karume ameendelea kusema kwamba kitendo cha kuonekana kuikosoa serikali mara kwa mara na kutetea baadhi ya vyama vya siasa, anafanya hivyo kwa sababu haungi mkono uvunjaji wa sheria kwa namna yoyote ile, iwe inafanywa na serikali au vyama vya siasa.

"Siungi mkono uvunjaji wa sheria hata ukiwa upande wowote, mimi ni mtu huru, kama kitu hakiendi kwa mujibu wa sheria nitasema, sio kwamba unakosoa vitu una ugomvi wa serikali, sijali", amesema Fatma Karume.

Saturday, April 21, 2018

11:20 AM

Kamata Kamata ya Makonda Kwa Wanaume Waliotelekeza Watoto Kufanyika Jumatatu

Kamata Kamata ya Makonda Kwa Wanaume Waliotelekeza Watoto Kufanyika Jumatatu

Mkuu wa Mkoa wa Dar es salaam Mhe. Paul Makonda amesema wanaume wote waliokaidi wito wa kufika ofsini kwake baada ya kupigiwa simu na kutumiwa barua za wito watakamatwa na Jeshi la Polisi kuanzia siku ya jumatatu ya April 23.

RC Makonda amesema ifikapo siku ya Jumapili majina ya wanaume waliokaidi wito yatafikishwa kwa Kamanda wa Polisi Kanda Maalumu ya Dar es salaam Lazaro Benedict Mambosasa kwaajili ya utekelezaji.

Aidha RC Makonda ameongeza siku nyingine tano kwaajili ya kusikiliza kesi zilizowasilishwa ofisini kwake na kufanya idadi ya kufikia siku 15.

Pamoja na hayo RC Makonda amesema ataunda kamati ya wanasheria na maafisa ustawi wa jamii kutoka serikalini na taasisi binafsi kwaajili ya kufanya uchambuzi wa ukubwa wa tatizo na mapendekezo ya kisheria kisha kuwasilishwa wizara husika kisha kuwasilishwa Bungeni.

Hata hivyo RC Makonda amesema ifikapo April 25 na 26 atatoa ripoti ya mwelekeo dhidi ya mateso waliyokuwa wakipata kinamama na watoto waliotelwkezwa.

RC Makonda amesema Zoezi la kusikiliza kinamama waliotelekezwa limekuwa na mafanikio makubwa ambapo zaidi ya wananchi 17,000 walifika ofsini kwake ambapo hadi sasa kinamama 7,000 wamesikilizwa na wanaume 1,200 wamekubali kwa maandishi kutunza watoto wao na wengine wamepimwa DNA. 

Friday, April 20, 2018

1:25 PM

Meneja TPA kortini kwa tuhuma za umiliki wa nyumba 23



MENEJA Uhasibu wa Mamlaka ya Bandari Tanzania (TPA), Prosper Kimaro, amefikishwa katika Mahakama ya Hakimu Mkazi Kisutu, Dar es Salaam akikabiliwa na mashtaka ya kuwa na mali zisizolingana na kipato chake.

Akisomewa mashtaka jana mbele ya Hakimu Mkazi Mkuu, Thomas Simba, aliyepangiwa kusikiliza kesi hiyo. Kimaro  anadaiwa kumiliki nyumba 23,  viwanja vitatu na magari saba vyote vikiwa na thamani ya Sh. bilioni 1.4.

Mawakili wa Serikali, Vitalis Peter akisaidiana na Lilian Wiliam, walidai kuwa katika tarehe tofauti kati ya mwaka 2012 na 2016, wilayani Temeke, Dar es Salaam, mshtakiwa akiwa mtumishi wa umma katika nafasi ya Meneja Uhasibu wa TPA, alikutwa na mali zisizoelezeka.

Mali hizo, kwa mujibu wa mawakili hao, ni nyumba mbili zilizoko mtaa wa Uwazi, Temeke zenye thamani ya Sh, 123,273,253 na nyumba moja iliyopo Yombo Vituka yenye thamani ya Sh. 12,956,000.

Peter alidai kuwa mshtakiwa alikutwa akimiliki nyumba 23 na viwanja vitatu vyote vikiwa na thamani ya Sh. 1,178,370,324.

"Mheshimiwa Hakimu mshtakiwa alikuwa na magari saba yakiwamo Toyota LandCruiser yenye namba za usajili T 395 DEJ lenye thamani ya Sh. 180,131,815, Mitsubishi  yenye namba za usajili, T 506 CMT ya Sh. 38,464,861, Massey Ferguson yenye namba za usajili T 838 CHH ya Sh. 24,469,060.50, Trela lenye namba za usajili T 383 CNZ la Sh. milioni 4.5, Toyota Harrier yenye namba za usajili T 338 CVX ya Sh. 35,860,617.30, Trela lenye namba za usajili T 938 CVB  la Sh. milioni 4.8 na Massey Ferguson yenye thamani ya Sh.19, 138,324.44." alidai Peter wakati akimsomea mashtaka kigogo huyo.

Alidai kuwa mali zote alizokutwa nazo mshtakiwa hazilingani na kipato chake cha zamani na cha sasa.Mshtakiwa alikana mashtaka hayo.

Upande wa Jamhuti ulidai kuwa upelelezi wa kesi hiyo haujakamilika na haukuwa na pingamizi la dhamana.

Hakimu Simba alisema mshtakiwa atakuwa nje kwa dhamana kwa kuwa na wadhamani wawili watakaowasilisha hati za mali isiyohamishika yenye thamani ya Sh. milioni 200 kila mmoja na pia awasilishe hati zake za kusafiria mahakamani.

 Hata hivyo, hadi Nipashe inaondoka mahakamani hapo, mshtakiwa alikuwa hajatimiza masharti ya dhamana. Kesi  hiyo imepangwa kutajwa Mei 3, mwaka huu.
1:17 PM

Miaka 40 Hakuna cha Maana Kinachoendelea - Chenge


Miaka 40 Hakuna cha Maana Kinachoendelea - Chenge
Mbunge wa Bariadi na Mwenyekiti wa Bunge, Andrew Chenge amefunguka na kusema kuwa zaidi ya miaka 40 ya uhuru wa nchi serikali imekuwa ikishikilia eneo lenye ukubwa wa ekari 2,472 bila kulifanyia jambo lolote lile la maana na kuomba serikali iwarudishie wananchi ili waweze kulitumia eneo.


Chenge amesema hayo leo bungeni April 19, 2018 alipokuwa akihoji kama serikali ipo tayari kurejesha maeneo hayo ambayo hayatumiki kikamilifu kwa wananchi ili wananchi waweze kufanyia shughuli zingine, lakini Naibu Waziri wa Mambo ya Ndani ya Nchi, Mhandisi Hamad Masauni alifunguka na kusema kuwa serikali haipo tayari kurudisha maeneo hayo kwa kuwa serikali iliyachukua kwa lengo magereza kuweza kuendesha shughuli za uelimishaji wa wafungwa kwa njia ya kilimo na ufugaji kupitia maeneo hayo.

"Gereza la Matongo lililopo mkoani Simiyu katika wilaya ya Bariadi lenye ukubwa wa ekari 2472 lilianzishwa mwaka 1975, baada ya kuchukuliwa eneo hilo lililokuwa eneo la Mbunge wa enzi hizo Edward Mwani ambaye alifidiwa eneo jingine na serikali. Kwa serikali ipo kwenye mpango wa kuboresha kilimo kupitia jeshi la magereza kwa kuliwezesha kuzalisha chakula cha kutosheleza kulisha wafungwa na mahabusu hivyo eneo la Matongo lipo kwenye orodha ya maeneo yaliyopewa kipaumbele katika kilimo cha mahindi, alizeti, pamba, ufugaji wa nyuki na mifugo pamoja na upandaji wa miti na uhifadhi wa mazingira, serikali ilichukua eneo hilo ili kuwezesha magereza kuendeleza shughuli za uelimishaji wa wafungwa kwa kutumia kilimo na ufugaji kwa sasa eneo hili limepimwa na taratibu za kupatikana kwa hati zinaendelea hivyo serikali haina mpango wa kurejesha eneo hilo kwa vijiji tajwa" alisisitiza Masauni

Majibu ya Naibu Waziri wa Mambo ya Ndani ya Nchi, Mhandisi Hamad Masauni yalimuinua tena Andrew Chenge na kutaka kufahamu ni lini serikali itakuwa tayari kuanza mpango huo kwani ni miaka mingi imeshindwa kufanya hivyo. 

"Mhe. Spika gereza na Matongo ni gereza ambalo ni miongoni mwa magareza yaliyoanzishwa na serikali katikati ya miaka ya 70 kwa lengo hilo hilo ambalo waziri amelisema lakini zaidi ya miaka 40 ukifika pale Matongo hakuna cha maana kinachoendelea na Mhe. Waziri katika majibu yake anasema gereza hili lipo kwenye mpango wa kuboresha kilimo sasa ni lini mpango huu mahususi kwa gereza la Matongo utaanza kutekelezwa na serikali" alihoji Andrew Chenge 
1:11 PM

Mabishano Makali ya Kisheria Yatikisa Kesi ya Nondo Kesi Yaahirisha Hadi Jumatatu


Mabishano Makali ya Kisheria Yatikisa Kesi ya Nondo Kesi Yaahirisha Hadi Jumatatu
Mahakama ya Hakimu Mkazi Iringa imeipiga kalenda kesi ya mwenyekiti wa Mtandao wa Wanafunzi (TSNP), Abdul Nondo hadi Jumatatu kutokana na mabishano makali ya kisheria yaliyotokea kortini hapo kati ya pande mbili za utetezi na Jamhuri.

Akiahirisha kesi hiyo, Hakimu Mkazi John Mpitanjia alisema anajipa muda kwa lengo la kupitia sheria kuhusiana na ushahidi uliotolewa mahakamani hapo na shahidi wa pili; kwamba kielelezo chake kipokelewe na mahakama ama la.

Upande wa uetetezi ukiongozwa na wakili Jebra Kambole akisaidiwa na Chance Luwoga, uliomba mahakama kutopokea hati ya upekuzi kwa madai ina mkanganyiko wa majina na kwamba ni watu wawili tofauti.

Aidha, utetezi ulipinga hati ya uchunguzi kuwa imekosewa jina la mshitakiwa kwani badala ya kuandika Abdul Mahamud Omary Nondo imesajiliwa kwa jina la Mahmud Omary Nondo.

Upande huo uliomba kutupiliwa mbali kwa nyaraka hiyo ambayo upande wa Jamhuri ukiongozwa na wakili wa serikali, Alex Mwita akisaidiwa na Pianzia Nchemba umesema cha muhimu ni ujumbe uliopo ndani.

Mwita alisema huenda nondo alitoa majina mawili tofauli kwa sababu alihojiwa na watu wawili tofauti.

Hoja ya tatu iliyotolewa na upande wa utetezi ni kwamba ilikuwaje Koplo John kutumia kifungu cha 10 (3) cha Sheria ya Mwenendo wa Makosa ya Jinai (CPA)Sura ya 20 iliyofanyiwa marekebisho mwaka 2002 kuthibitisha waraka huo ili hali kabla alisajili kwa kutumia kifungu cha 34 (b) cha Sheria ya Ushahidi.

Awali, shahidi wa kwanza ambaye ni E.32328 Koplo Salim aliiambia mahakama kwamba Nondo aliwasili kituo cha polisi majira ya moja usiku na kuchukuliwa maelezo ya awali.

Alidai Nondo alisema amefika kituoni kutoa malalamiko ya kutekwa na watu wasiojulika na kutelekezwa katika Kiwanda cha Pareto Pct Mafinga.

Kolpo Salim aliiambia mahakama kuwa Nondo aliiambia Polisi kwamba alitekwa jijini Dar es Salaam na kusafirishwa hadi Mafinga Iringa na ndipo alimkabidhi kwa mpelelezi Koplo John mwenye namba E.7665 ambaye ni shahidi wa pili katika kesi hiyo, ili aweze kumchukua maelezo kwa kina kuhusiana na malalamiko yake.

Hata hivyo, mahakama ilipokea vielelezo ambavyo Nondo alivikabidhi Kituo cha Polisi Mafinga ambavyo ni kompyuta mpakato aina ya Dell, kadi ya mawasiliano (bussness card), kadi ya benki, simu ya kiganjani aina ya Itel na kitambulisho cha chuo.

Awali, Hakimu Mpitanjia alisema kabla ya mashahidi kutoa ushahidi wao inabidi mtuhumiwa kusomewa mashataka yake yanayomkabili na Nondo alikana mashtaka hayo.

Jamhuri imekusudia kuleta mashahidi watano zaidi ambapo jana ni mashahidi wawili tu waliopanda kizimbani kutokana na kutofikia muafaka baada ya pande mbili hizo kunyukana kwa kutumia vifungu vya sheria.

Jamhuri imekusudia kuwaleta pia kutoa ushahidi Koplo Salum, Veronica Fredy ambaye ni mpenzi wake Nondo, Alphonce Mwamule, Koplo Abdulkadir na mtu kutoka kampuni ya simu za mkononi ya Tigo.

Nondo ameshitakiwa kwa makosa mawili ya kuchapisha taarifa za uongo kwa njia ya kompyuta na kutoa taarifa za uongo kwa mtumishi wa umma ambaye ni askari polisi Koplo Salim wa Kituo cha Polisi Mafinga wilayani Mufindi.

Ilidaiwa kwamba Machi 7, mwaka huu akiwa Ubungo jijini Dar es Salaam, mshitakiwa alitenda kosa la kuchapisha taarifa za uongo kwa njia ya kompyuta akitumia simu ya kiganjani yenye No. 0659366125 kinyume cha Sheria ya Makosa ya Mtandao na kusambaza katika mitandao ya kijamii. 

Wednesday, April 18, 2018

3:58 PM

sh. Bilioni 1.9 zatengwa kwa ajili ya mikopo Manispaa ya Ubungo




Halmashauri ya Manispaa ya Ubungo jijini Dar es salaam imetenga kiasi cha Tsh. Bilioni 1.9 kwa ajili ya mkopo kwa kina mama na vijana.

Hayo yamesemwa leo, April 18, 2018 na Mstahiki Meya wa Manispaa ya Ubungo, Mhe Boniface Jacob wakati wa hafla fupi ya kusaini mkataba wa makubaliano na benki ya CRDB ambapo mikopo hiyo itatolewa kupitia benki hiyo.
Meya Jacob ametoa wito kwa vijana kujitokeza kwa wingi kuchangamkia fursa hiyo kwani idadi yao imeonekana kuwa ndogo kwani mfuko huu ni nusu kwa vijana na nusu kwa kina mama na asilimia 20 inakwenda kwa walemavu.
“Nikiwa Manispaa ya Kinondoni tuliweza kutenga 800M kwa ajili ya mikopo kama hii, lakini Halmashauri ya Manispaa ya Ubungo ina muda wa mwaka mmoja na nusu tu lakini unaweza kuona kiasi tulichotenga kwa ajili ya mikopo kwa vijana na kinamama, ni kwa sababu tuko commited kuwasaidia wananchi wa Manispaa ya Kinondoni” amesema Meya Boniface Jacob.
Manispaa ya Ubungo itakuwa ya kwanza kwa utekelezaji wa agizo kwamba asilimia 20 ya fedha ni kwa ajili ya walemavu. Kwa taarifa ya mratibu wa zoezi hilo, Wanawake waliojitokeza ni 11,321, vijana idadi yake ikiwa ni 1124.
3:49 PM

VIDEO: MCT kutoa tuzo za umahiri kwa wanahabari

Baraza la Habari Tanzania wametaja idadi ya wateule ambao wameshiriki katika ushindani wa Tuzo za Umahiri wa Uandishi  wa Habari Tanzania (EJAT) 2017. Jopo la majaji nane wakiongozwa na mwenyekiti wake Ndimara Tegambwage, wameteua jumla ya waandishi 49 ambao wataingia katika kinyang'anyiro cha mashindano ya EJAT 2017 kati ya wateule hao 49 wateule 30 wanatoka kwenye katika magazeti, 10 wanatoka redio na 9 Televisheni, Tuzo hizo za umahiri wa Uandishi wa Habari Zitatolewa tarehe 12/may mwaka huu katika ukumbi wa Golden Tulip.

TAZAMA FULL VIDEO HAPA CHINI................ 


2:06 PM

Ofisa wa Chuo Anaswa Live Akimnyonya Sehemu za Siri Mwanafunzi


UGANDA: Afisa Utawala Msaidizi wa Chuo Kikuu cha Makerere, Bwana Kisuze Edward asimamishwa kazi baada ya picha yake akimnyonya mwanafunzi Racheal Njorogi sehemu za siri kusambaa mitandaoni

Racheal anadai aliwasili chuoni hapo kufuatilia taarifa zake za usajili ambapo alikutana na usumbufu mkubwa na baadaye alipopata nafasi ya kuingia ofisini kwa Msajili, alishangaa ghafla Afisa huyo akimvamia na kuanza kumnyonya matiti kisha sehemu zake za siri na alishindwa kumdhibiti kutokana na kumzidi nguvu

Kwa mujibu wa maelezo ya Racheal, anasema alilazimika kupiga picha (selfie) wakati tukio hilo likiendelea ili picha hiyo itumike kama ushahidi pindi atakapoenda kuripoti polisi

Tukio hilo limejiri ikiwa ni siku chache baada ya Rais Yoweri Kaguta Museveni kukemea vitendo vya ngono kwa njia ya mdomo

1:58 PM

Rais Trump afanya mazungumzo ya siri na hasimu wake Kim Jong Un


baada ya kutumiana vijembe na maneno ya kashfa kwa muda mrefu kati ya Rais wa Marekani, Donald Trump na kiongozi wa Korea Kaskazini, Kim Jong Un, hatimaye wawili hao wafanya mazungumzo mafupi kwa siri wiki mbili zilizopita.

Mazungumzo hayo yalifanyika baada ya  Mkurugenzi wa shirika la upelelezi nchini Marekani (CIA), Mike Pompeo wikiendi ya pasaka kuzuru mjini Pyongyang na kufanya mkutano wa siri na kiongozi wa taifa hilo, Kim Jong Un,  hii ni kwa mujibu wa duru za vyombo vya habari nchini Marekani.

Mkutano huo ulifanyika kwa lengo la maandalizi ya mkutano mwengine mkubwa kati ya Rais Donald Trump na Kim Jong Un ambapo hadi sasa bado haijajulikana ni wapi utafanyika.

Hata hivyo, Rais Trump amekiri kufanyika kwa mazungumzo na kiongozi huyo wa Korea Kaskazini kwa njia ya simu, wakati wa sherehe za kumpokea Waziri Mkuu wa Japan, Shinzo Abe zilizofanyika mjini Florida juzi Jumatatu.

Mkutano huo wa siri ambao haukutarajiwa ndio utakuwa mkutano wa kwanza mkubwa  kati ya Marekani na Korea Kaskazini tangu 2000, wakati Waziri wa maswala ya kigeni nchini Marekani kipindi hicho, Madeleine Albright alipokutana na Kim Jong-il, babake kiongozi wa sasa wa Korea Kaskazini, Kim Jong Un.
9:50 AM

Ndalichako Aijibu Ripoti ya CAG



Waziri wa Elimu na mafunzo ya Ufundi, Joyce Ndalichako, amesema anaitumia ripoti ya Mdhibiti na Mkaguzi wa Hesabu za Serikali kama changamoto na chachu ya kuendelea kufanya kazi nzuri.

 Ndalicho ameyasema hayo leo Aprili 17 wakati akijibu hoja za ripoti ya CAG iliyosomwa wiki iliyopita bungeni.

 Wiki iliyopita mawaziri wanane walifanya mkutano na waandishi wa habari wakijibu hoja za ripoti ya CAG.

“Serikali ya awamu ya tano kwenye suala la udhibiti haina utani kila mtu ameona kazi ambayo imefanyika, tunapopata ripoti ya CAG, inatupa chachu ya kuendeleza na kazi nzuri inayofanywa na serikali ya awamu ya tano,” amesema

Amesema kama CAG alivyoshauri, watafanyia kazi mapendekezo ya CAG na pia watawachukulia hatua watendaji wanaotumia vibaya fedha za umma.

Ndalichako alizungumzia hoja ya CAG kuhusu ukusanyaji hafifu wa fedha za mikopo ya wanafunzi wa elimu ya juu na akasema, tangu serikali ya awamo ya tano iingie madarakani, kumekuwa na ongezeko la ukusanyaji wa madeni hayo.

“Taarifa ya CAG 2015/16 hadi 2016/17    inaionyesha kuwa makusanyo yameongezeka kutoka Sh28bilioni hadi Sh 116bilioni. Hilo ni ongezeko la asilimia 300. Takwimu hazidanganyi,” amesema

Hata hivyo amesema bado makusanyo hayo hayatoshelezi na ameitaka  Menejimenti ya Bodi ya Mikopo kuhakikisha ukusanyaji wa mikopo unaimarishwa.